'Dewleta tirke qestî ra domananê kurdan kena hedef'
Aktîvîstê heqanê merdiman û avûkat Xalid Cebirî pare kerd ke dewleta tirke Peymana Heqanê Domanan a Mîyanneteweyîye binpay kena û vat: ''Dewleta tirke qestî ra domananê kurdan kena hedef.''
Aktîvîstê heqanê merdiman û avûkat Xalid Cebirî bi wesîleya serrgêra 6ine ya îşxalê Efrînî ANFyî rê qisey kerd.
Xalid Cebirî da zanayene ke dewleta tirke hema zî huqûqê mîyanneteweyîyî binpay kena.
Avûkat Xalid Cebirî ard ziwan ke dewleta tirke bi taybetî binpaykerdişê heqanê domanan rê dewam kena û vat: ''Dewleta tirke bi taybetî Efrîn de pêro Rojawan de domanan qestî ra kena hedef. Armancê nê hêrişan çinkerdişê şarê kurdî yo. Çunke domanî ameyox ê. Vera nê hêrişan bêvengîya mîyanneteweyîye zî dewam kena. Qanûnê mîyanneteweyî û Peymana Heqanê Domanan a 1989î qaşo domanan pawenê.
La dewleta tirke peymananê sey nînan bi rehetî binpay kena. Dewleta tirke domanan, dibistanan û pêro waranê domanan kena hedef.''
