Dewleta tirke ya îşxalkere waranê sîvîlan ê Eyn Îsa, Til Temir û Minbicî yê Rojawanî  ser o bombayan varnena.

16ê tebaxe de Meclîsê Leşkerî yê Til Temirî raştê hêrişê teyarayanê şerî amebi û vera dewanê Eyn Îsa û Minbicî zî bombardumanî bêmabên dewam kenê.

Eyn Îsa de bejrayîrê mîyanneteweyî yê M4î û dewê Mieleq, Seyda, Dibis, Hoşan û Xalidîyê bi rojan o raştê hêrişê artêşa tirke yenê.

Reyna Minbic di hewteyêk o  bêmabên yeno bombardumankerdene. Bitaybetî dewê  Seyada, El Cemûsiyê, Mezraet el Dilwan, Yasin el Ereb, Qirt Wêran, Girhuyuk, El bû Heyc, Um Edese, Kawiklî, El Boxaz, El Yalani, Toxar, Erîma, Hoşeriyê, Um Miclud, Dendenliyê, Mezraet El Fawaris û hêgayê El Fazrisî yenê hedefgirewtene.

Nê cayan de yew hewteyo peyên de tewr tay 211 rey pê havan û obusan hêriş ame kerdene. Netîceya hêrişan de xeylêk keye, bexle û erazîya ramitişî zirar dî.