9ê êlule hetê Neteweyanê Yewbîyayeyan ra sey 'Roja Pawitişê vera Hêrişanê serê Perwerdeyî' qebul beno. La Til Temir de verê çimanê pêro dinya de wendekarî heqê perwerdeyî ra hetê dewleta tirke ya îşxalkere ra yenê dûrvistene.

Hemserekê Îdareyê Dibistanan ê Til Temirî Ebdulrezaq El Kinêhirî derheqê mesele de qisey kerd û da zanayene ke şaristan de 18 dibistanî hedefê dewleta tirke de yê.

Kinêhîrî pare kerd ke cergî û dewleta tirke qestî ra dibistanan kenê hedef, El Xêr, Ebûş û Zirgan de dibistanan rijnenê.

Kinêhirî vat: ''Rixmê peymana 63 dewletan dewletêke zî hêrişanê dewleta tirke yê vera dibistanan vengê xo nêvejena. Ma tim venga UNICEFî danê ke bala xo bido nê hêrişan, tesbît bikero û raporan bigêro. Dewleta tirke dibistanî kerdî baregeh. Huqûqê mîyanneteweyî de nê sûc ê. Eke hêrişê dewleta tirke bêrê vindarnayene domanî eşkenê abigêrê dibistanan.''