Dewleta Tirkî dewanê Şêrawa bombardûman kena
Hêzê dewleta Tirk a îşxalkere, bi obus û hawanan xeylî dewê qezaya Şêrawa ya Efrînî bombardûman kerdî.
Goreyê zanayîşanê ke ameyê girewtene, artêşa Tirkî ya îşxalkere bi desan topî eştî dewanê Sîxuneke û Aqîbe yê qezaya Şêrawa. Çimeyanê cayîyan vat, tewr kêmî 50 hawan û obusî ginayî herême ro.
Dewleta Tirkî ya ke Efrîn îşxal kerdo, sûcê giranî yê şerî û pakkerdişê etnîkî kena, bi taybetî destpêkê menga Gulane ra nata hêrişê xo yê serê herêma Şehba zêdnayî.
