Cerganê dewleta tirke ya îşxalkere Efrîn de sivîlê bi nameyê Mehmûd Îboyî qetil kerd û organê ci diznayî.

Qezaya Cindirêsî ya Efrînî de zî rêxistina Semerkantî 27ê teşrîna peyêne de 4 sivîlê bi nameyanê Ekrem Nebo (40), Zaîm Mihemed Mihemed (40), Xelîl Henan Xilo û Hisên Silêman Mewas remnayî û seba veradayîşê sivîlan fîdye waşte.

Cerganê Firqet El Hemzatî yê dewleta tirke ya îşxalkere zî roja îneyî camêrdêko 70 serre û domanêko 14 serre yê binameyê Hemo Cengîzî qetil kerdî. Ciwanî ciwanê bi nameyê Mesûd Mecîdî ser o zî guleyî raşayî û ciwano birîndar berd cayêkê nêkifşî.

Vervatoxê Rêxistina Heqanê Merdiman a Efrînî Îbrahîm Şêxoyî da zanayene ke cergan 40 guleyî eştî Hemo Cengîzî û îfade kerd ke no sûcê merdimîye yo.

Îbrahîm Şêxoyî ard ziwan ke semedê baregehanê leşkerîyan ê dewleta tirke ya îşxalkere ra têgêrayîşê îşxalî zêdîyayî.

Şêxoyî vat: ''Cerganê Hemzatî Hemo mengêke verî remnabi û seba veradayîşî fîdye waşte. ''