Rêxistina Heqanê Merdiman a Efrîn-Sûrîye da zanayene ke temmuze de dewleta tirke Efrîn de 4ê ci cinîyî tewr tay 35 kesî remnayî û 2023 de heta nika 20ê ci cinîyî 143 kesî remnayî.

Goreyê rêxistine Efrînde temmuze de tewr tay 2 hezar û 36 zeytûnêrî, hinarêrî û darê bînî birîyayî. Şêrawa de zî 250 darê zeytûnî ameyî vêşnayene.

Hewt menganê 2023yî de Efrîn de 15 hezar û 500 zeytûnêrî û darê bînî birîyayî û 70 hezar hektar erazîyê genim û cayî ameyî vêşnayene.

Rêxistina Heqanê Merdiman pare kerd ke dewleta tirke ya îşxalkere qezayanê Şera û Cindirêsî de 2 bînayê kolonyalîzmî awan kerdî û Cindirês de keyeyê cergan cakerdî.

Goreyê agahîyanê ke çimeyanê herêmîyan dayê ajansê ma, dewleta tirke 2 hezar keyeyê multecî yê xerîbî bi zorî Efrîn de cakerdî.

Dewleta tirke Girê Sipî de zî polîtîkaya vurnayîşê demografî ana ca. Girê Sipî de 191 multecîyê sûrîyeyîjî tebaxe de bi zorî ameyî cakerdene. 

Dewleta tirke bi nê polîtîkayan armanc kena ke Efrîn, Girê Sipî û Serêkanîyê de demografîya herême bivurna. Destpêkê 2023yî ra naya 12 hezar keyeyî Tirkîya ra erşawîyayî nê herêmanê îşxalkerdeyan. Dewleta tirke zî bi eşkerayîyanê xo yê fermîyan no kerdiş qebul kerd.