Til Rifet de semedê protestokerdişê bedilnayîşê demografîkî yê Efrînî bi seyan ezidîyan ê efrînijan çalakîye kerde.

Çalakîye de hêrişê dewleta tirke ameyî protestokerdene û veng dîya dezgehanê huqûqî û heqanê merdiman ê mîyanneteweyî ke wa berpirsîyarîya xo bîyarê ca.

Hemserekê Yewîya Êzidîyan a Efrînî Sûad Hisoyî ke çalakîye de qisey kerd  ard ziwan ke sûcê merdimîye ke dewleta tirke û çeteyanê ci kerdî, nêeşkayî verê xoverdayîşê şarê Efrînî bigêrê. Hisoyî vat: ''Efrînijî kampan û keyeyanê xo yê rijnayeyan de xoverdayîşê xo domnenê û heta ke herra xo ya îşxalkerdîye bixelisne do têkoşîn bikerê.'' Hisoyî bale ante ser ke dewleta tirke cayanê ke îşxal kena de demografîya ci bedilnena ser û vat: ''Bi hezaran kesî bizanayîş koçkerdişî rê mecbur mendî û tîya şaro xerîb ame cakerdene. Ganî dezgehê huqûqê mîyanneteweyî vera nayî bêveng nêmanê.''

Çalakîye bi slogananê selamkerdişê xoverdayîşê dewrî qedîyaye.