Hêrişanê dewleta tirke ra îstasyonê ceyranî xera bi
Ofîsê Enerjî yê Kantonê Cizîre da zanayene ke hêrişanê dewleta tirke ya îşxalkere ra îstasyonê ceyranî yo ke îhtîyacê pêro herême peyda kerdêne, texrîb bîyo, rijîyayo.
Ofîsê Enerjî yê Kantonê Cizîre yê Îdareyê Xoserî derheqê hêrişanê dewleta tirke ya îşxalkere de eşkerayîyêke daye.
Eşkerayîye de ame parekerdene ke teyarayanê şerî yê dewleta tirke ya îşxalkere 9 reyî Îstasyonê Ceyranî yê Siwêdî dayo bombayan ver.
Eşkerayîye de dîya zanayene ke Dezgehê Ceyranî û Şîrketa Petrolî yê Rimêlanî zî hêrişan de ameyê hedefkerdene.
Ofîsê Enerjî vat:
''Nê hêrişê vera şaro ke seba ke terorê DAÎŞî biqedîno xo feda keno, sûcanê şerî yê tewr pîlan ra yew o. Ma bêvengîya vera hêrişanê dewleta tirke ya îşxalkere şermezar kenê. Sebebê nê hêrişan Rûsya û Hêzê Koalîsyonê Mîyanneteweyî yê.''
Ofîsê Enerjî pê hesna ke Îstasyonê Ceyranî yê Siwêdî merkezê îstasyonanê enerjî yê herême bîyo û hêrişanê dewleta tirke de bi temamî şîyo ra.
