Merkezê Îrtîbatî û Çapemenîye yê Hêzanê Sûrîyeya Demokratîke (QSD) derheqê hêrişê peyênî yê dewleta tirke ya îşxalkere de eşkerayîyêke daye. Eşkerayîye wina ya:

''Serrgêra 9. ya Qirkerdişê DAÎŞî yê vera Şingalî de dewleta tirke ya îşxalkere reyna hêrişêko terorîst kerd. 3yê tebaxe de saete 19.15 de droneyêkê çekdarî yê dewleta tirke rayîrê dewa Hermê Şêxoyî yê Qamişloyî de wesayîtêk kerd hedef ke tede 6 fermandar û şerwanê ma est bîyî. Netîceya hêrişî de 4 şerwanî şehîd bîyî û 2 şerwanî zî birîndar bîyî. 

Şehîdanê ma ra yew embaz Fermandar Aram Mihemed Îbrahîm bi ke gazî bi. Embazê ma yê bînî Diyar Cuma Xelîl, Ehmed Fadil Simo û Berzan Mistefa Şêxmûs bîyî. Nê embazanê ma seba şar û welatê xo têkoşînêko fedakar kerdbî. 

Ma do agahîyanê hîna hîrayan dima pare bikerê.''