Teyarayêkê keşfî yê dewleta tirke ya îşxalkere vizêr saete 12.16 de dabi wesayîtêkê Keyeyê Birîndaran ê Qamişloyî. Fermandarîya Pêroyî ya Hêzanê Asayîşê Zereyî yê Rojawanî derheqê hêrişî de na eşkerayîye daye:

''Dewleta tirke ya îşxalkere roja şemeyî 21ê tebaxe de pê teyaraya bêmerdiman Kobanê de da wesayîtêkê sivîlan ro. Dima wesayîto ke Fermandar Zîb El-Eswed tede bi kerd hedef. Fermandar Zîb El-Eswed Kobanê ra yo, ey xeylêk hemleyanê vera DAÎŞî de ca girewt. 22ê tebaxe de wexto ke Fermandar Zîb El-Eswedî zîyaretê Keyeyê Birîndaran ê Qamişloyî kerdêne wesayîtê ci ame hedefkerdene. Netîce de o û di îdarekarê Keyeyê Birîndaran birîndar bîyî û wedarîyayî nêweşxane.

Hetê bînî ra hêrişanê dewleta tirke yê vera Zirgan û Til Temir de domanêk û pîrikêke şehîd bîyî, bi desan sivîlî birîndar bîyî ke rewşa nînan giran a.

Ma sey Hêzanê Asayîşê Zereyî venga Koalîsyonê Mîyanneteweyî û Rûsya kenê ke erkanê xo sey garantor bîyarê ca.Gef û tehlukeyê artêşa tirke ya îşxalkere û cerganê ci herême de dewam kenê.''