Heyetê Cinîyan ê Rojawanî vera hêrişanê îşxalî Ewropa de temasanê xo rê dewam keno. heyet de Endama Komîsyonê Têkilîye û Îtîfaqanê Demokratîkan a Kongreya Starî Rûkene Ehmed, Endama Komelê Ereban û Koordînasyonê Cinîyan ê Zenobîa Khawla El-Issa cagênê. Dîya zanayene ke qaşo Hemsereka MSDyî Îlhame Ehmed zî heyet de cabigirewtêne la meseleya asayîşî ra Rojawanî ra nêvejîyaya.

Heyetî Zanîngehê Zurichî yê Swîsre de panelêk de qisey kerd.

Rûkene Ehmed pare kerd ke dewleta tiirke ya îşxalkere bêmabên hêrişê Rojawanî kena û tim kadroyanê serkêşan hedef kena. Rûkene vat: ''Koalîsyono Mîyanneteweyî yê vera DAÎŞî verê hêrişan nêgêno. Hêrişan ra Îdareyo Xoser nêeşkeno plananê dergan bikero. Dewleta tirke seba ke Şorişê Rojawanî çin bikera herême de sûcanê şerî kena û waran, dibistanan, îbadetxane û nêweşxaneyan zî dana bombayan ver.''

Khawla El-Issa da zanayene ke DAÎŞî wina propaganda kerdêne ke 'kurdî do her kesî bikişê' la eqsê ney qewimîyayo. Khawla vat: ''Mi mîyanê têgêrayîşê kurdan de nasnameyê xo yê cinîtîye şinasna. DAÎŞ hema zî hêrişê herême keno û dewleta tirke zî paştî dano ci.''

Heyet pêvînayîşanê xo yê bi rêxistinanê Swîsre de dosyaya serê hêrişanê dewleta tirke pêşkêş bikero. Heyet 19ê teşrîna peyêne de zî Wezîrîya Karanê Teberî de pêvînayîş bikero.

Bernameyê Heyetê Cinîyan ê Rojawanî wina yo:

17ê teşrîna peyêne, saete 18.00, Merkezê Komelê Demokratîkî yê Kurdan

18ê teşrîna peyêne, saete 14.00, Merkezê Kulturî yê Rojawanî yê Zurichî

19ê teşrîna peyêne, Merkezê Komelê Demokratîkî yê Kurdan ê Lozanî.