Operasyono ke Hêzanê Asayîşê Zereyî 28ê adare de Kampa Holî de dabi destpêkerdene roja 4. de yo. Yewînanê Antî-Terorî (YAT) operasyonê roja pancşemeyî de 2 cergê DAÎŞî tepiştî ke nînan ra yew sercerg o.

Kampa Holî de tewr tay 60 hezar kesî estê. Hêzê Asayîşê Zereyî yê Rojawanî pê paştdayîşê QSD, YPG û YPJyî 4 rojî yo pê operasyonan kenê ke kampe asan bikerê.

Heta nika 3 beşanê kampe de karê cigêrayîşî û kontrolkerdişî qedîya. 3 rojan de 53 cergî tepişîyayî ke nînan ra 5 cergî mesuldarê hucreyan bîyî. Hêzanê Asayîşî pare kerd ke înan dest na xeylêk hacetan ser.

Cigêrayîş de tunelêk û malzemeyê leşkerî yê DAÎŞî dîyayî. Kampe de tesbîtê nasnameyan zî dewam keno. Operasyon beşê 4.yê kampe de dewam keno.