Hêzanê Xelisnayîşê Efrînî (HRE) çalakîyanê xo yê peyênan ser o eşkerayîyêke daye.

Eşkerayîye wina ya:

''17ê tebaxe de dewa Qurbê ya qezaya Cindirêsî ya Efrînî de hetê Tîma Şehîd Avesta ra çalakîyêka sabotajî ameye kerdene. Netîceya çalakîye de sercerg Ebu Docana û 2 cergê bînî kişîyayî. 21ê tebaxe de taxa Eşrefîye ya Efrînî de netîceya çalakîya sabotajî de cergêk kişîya, 2 cergî zî birîndar bîyî. 22 û 23ê tebaxe de dewa Keferxweşî ya Ezazî de vera cerganê îşxalkeran 2 çalakîyê bitesîrî ameyî kerdene. Çalakîya 22ê tebaxe de 2 cergî kişîyayî û 7 cergî birîndar bîyî. Çalakîya 23ê tebaxe de zî 3 cergî kişîyayî û 3 cergî zî birîndar bîyî. Na çalakîye de mewzîyêke û konteynirêke zî ameyî îmhakerdene. Nê çalakîyan de bi temamî 9 cergî kişîyayî, 12 cergî zî birîndar bîyî.''