Fermandarîya Hêzanê Xelisnayîşê Efrînî (HRE) bi eşkerayîya nuştekîye bîlançoya çalakîyanê xo yê vera hêzanê îşxalkeran ê serra 2023yî eşkera kerde.

HRE da zanayene ke hêrişanê dewleta tirke ya îşxalkere û çeteyanê ci yê 2023yî de sîvîlêk şehîd bi û 13 sîvîlî birîndar bîyî  û HRE vera nê hêrişanê qirkerdişî Efrîn, Ezaz, Marî û Bab de xeylêk çalakîyî kerdî.

Eşkerayîye de bale ameye ser antene ke debeyê girdî dîyayî dewleta tirke ya îşxalkere ro û ame vatene ke çalakîyan de 12 şervanê HRE şehîd bîyî.

Eşkerayîye de ame vatene ke çalakîyê înan do heta azadkerdişê herêmanê îşxalkerdayan dewam bikerê û derheqê bîlançoya 2023yî de nê ameyî vatene:

“Hêzanê ma serra 2023yî de 34 çalakîyê bitesîrî kerdî. Netîceya nê çalakîyan de;

-3 polîs û 19 leşkerî ameyî kiştene, 32 leşker û 6 polîsî birîndar bîyî.

- 70 çeteyî ameyî kiştene û 58 çeteyî birîndar bîyî.

- 12 çekê  AK-47î û şarjorê ci, 3 çekê BKCyî û guleyê ci, 2 roketeştişê B7, 4 bombayê destan, 3 telefonî û 2 nasnameyê çeteyan ameyî destfînayene.

- 5 baregehê dişmenî, cephaneyêk, kamerayêka termalî, dûrvînêkê şewe, 6 motosîkletî, 9 wesayîtî , panzerêk û kamyonêk ameyî îmhakerdene.

-Droneyêk ame wardayene.”