Hêzanê Xelisnayîşê Efrînî (HRE) pare kerd ke mabênê 27 û 31ê tebaxe de herêmanê Efrîn, Bab û Ezazî de vera hêzanê dewleta tirke ya îşxalkere çalakîyî ameyî kerdene.

Eşkerayîye de nê agahîyî ameyî dayene:

''27ê tebaxe de dormeyê dewa Daglîbaşî ya herêma Babî de hêzanê ma eşt baregehê cerganê îşxalkeran ser. Çalakîye de 5 îşxalkerî kişîyayî, 3 îşxalkerî zî birîndar bîyî. 29ê tebaxe de Efrîn de netîceya çalakîyêke de 2 cergî birîndar bîyî.  Heman roje Ezaz de vera sercergêkê Cebhep El Şamiye çalakîya sabotajî ameye kerdene. Na çalakîye de sercerg û cergêko bîn kişîyayî, 2 cergê bînî zî birîndar bîyî. Wesayîtê cergan zî ame pirodayene. 30ê tebaxe de taxa Eşrefîyê ya Efrînî de çalakîyêke de 2 cergî kişîyayî û 4 cergî zî birîndar bîyî. 31ê tebaxe de dewa Hizwanî ya Babî de vera baregehê leşkeran ê tirkan çalakîye ameye kerdene. Netîce de 3 leşkerî kişîyayî, 5 leşkerî zî birîndar bîyî.

Nê çalakîyan de tewr tay 12 îşxalkerî kişîyayî ke nînan ra 3 tenî leşker ê û 16 îşxalkerî zî birîndar bîyî.''