Hêzê Xelisnayîşê Efrînî (HRE) derheqê şerê 4'ê Nîsane yê dewanê Meranaz û Malîkîye yê Efrînî de eşkerayîyêk weşanaye.

Eşkerayîye de ame vatene, “4'ê Nîsane danê şodirî ra nata artêşa Tirkî ya îşxalkere û grubê ci yê çeteyî, dest bi bombardûmanêkê dergî yê serê dewanê Malîkîye, Şêwarqa, Keştear û Meranaz yê Şeraye  yê ke ke sîvîlî tede ciwîyenê, kerd. Dimayê bombardûmananê dergî yê artêşa îşxalkere û çeteyanê ci binê pawitişê bombakerdişê obusan û teyeranê bê merdiman de hêrişê hîrayî bi nê dewan ameyî kerdene. Netîceyê şerî de nê hêrişî bin kewtî. Şerê mabênê şerwananê ma û çeteyançê artêşa îşxalkere de, tewr kêmî 40 çeteyî ameyî kiştene. Mabênê çeteyanê ke ameyê kiştene de berpirsîyarê grubanê çeteyan ê qezaya Şera û Ezazê Ehmed Cemîl Herbûşî zî estê. Hetê bînî ra şer de 30 çeteyan ra  zêdetir zî bî birîndar.”