Hêzanê Xelisnayîşê Efrînî (HRE) netîceyê çalakîyanê Efrîn û Ezazî bi eşkerayîyêke pare kerdî.

Eşkerayîya HRE wina ya:

''1ê adare de Ezaz de wesayîtê sercergêkî ame vêşnayene. 2ê adare de Efrîn çalakîyêke de cergêk kişîya û 3 cergî birîndar bîyî û qezaya Şêrawa de zî vera mewzîyanê artêşa îşxalkere çalakîyêke ameye kerdene. Na çalakîye de wesayîto zirxîn ame îmhakerdene. Hûmara kişte û birîndaran nêzanîyena. 3ê adare de herêma Efrînî de rayîrê Cindirêsî de vera bendêkê kontrolî çalakîyêka sabotajî ameye kerdene. Na çalakîye de 3 cergî kişîyayî û 4 cergî zî birîndar bîyî. 4ê adare de dewa Meryemîne ya Şera de vera artêşa îşxalkere çalakîyêka taybete ameye kerdene. Netîceya çalakîye de leşkerêk kişîya, 2 leşkerî birîndar bîyî. Çalakîye de wesayîtêk ame îmhakerdene û derbêke dîyaye wesayîtêkî ro.''