Qamişlo

Roniştoxanê herême pê nawnayîşêk dewleta tirke û hêrişê PDKyî yê vera gerîlayan protesto kerdî. Nawnayîş de vera îşxal û xîyanetî mesajî ameyî dayene.

Til Hemîs

Til Hemîs de hêrişê dewleta tirke yê vera Rojawanî û Şingalî ameyî şermezarkerdene. Çalakîye de bêvengîya Ewropa ya vera hêrişan ameye rexnekerdene û xoverdayîşê QSDyî ame selamkerdene.

Tirbêsipîyê

Meclîsê Keyeyanê Şehîdan pê eşkerayîyêke hêrişê vera Başûrî, Rojawan û Şingalî şermezar kerdî. Eşkerayîye de ame vatene ke Tirkîya qirkerdişo ke DAÎŞ nêeşka bikera ha kena temam. Eşkerayîye de venga PDK û partîyanê kurdan ame dayene ke hêrişê vera gerîlayan vindarnê.

Til Birak

Til Birak de zî hêrişê vera Başûrî, Rojawan û Şingalî ameyî şermezarkerdene. Çalakîye de pê sloganan paştî dîyaye QSDyî û bêvengîya hukmatê Iraqî ya vera hêrişanê Şingal û Mexmûrî ameye şermezarkerdene.