Komîteyêk ke do partîyanê Kurdan Rojava de biyaro têhet ronîyaye

Temsîlkarîya KNKyî ya Rojava, komîteyêk ke hemverê gefanê serê Vakur û Rojakewtena Sûrîye de heme partîyanê sîyasîyan ê Kurdan ana têhet ronaye.

Temsîlkarîya Kongreya Neteweyîye ya Kurdistanî (KNK) ya Rojava seba munaqeşekerdişê şertanê yewîya neteweyîye yê Kurdan û hemverê gefanê serê Vakur û Rojakewtena Sûrîye girewtişê tewirê hemparî Qamişlo de kombîyayîş viraşt. Kombîyayîşo ke endamê KNKyî tewrê ci bîyî de gefê dewleta Tirkî yê hemverê şarê Kurdî ameyî ercnayene. Kombîyayîş de ame îfadekerdene ke ganî yewîya neteweyîye ya Kurdan tavilî bêro viraştene, pratîkê ke do heme destkewteyanê şarê Kurdî bipawê bêrê pêramotene.

Kombîyayîş de komîteyêk ke do mabênê heme partîyanê sîyasîyan ê Kurdan de têkilîyan virazo amî ronayene.

Komîte de endamê Meclîsê Rayberê Qerarî yê Dêrikî Sînan Ehmed, serekê Yewîya Nûştoxan a Sûrîye Dilawer Zengî, endamê Konseya Rayberdişî ya KNKyî Ebdulkerîm Umer, Derya Remadan û Unîversîteya Rojava ra Silêman Îlyasî ca girewt.

Ame zanayene ke komîte do ewro derheqê xebatanê xo de eşkerayîyêka çapemenî bido.