Endamê Partîya Demokrate ya Asûrîyan a Sûrîye Şemon Yunan û Endamê Meclîsê Şarê Asûrîyan ê Sûrîye Sergon Sileyon derheqê hêrişanê dewleta tirke yê vera Til Temirî de ANFyî rê qisey kerd.

Şemon Yunanî ard ziwan ke dewleta tirke hêrişê pêro etnîsîteyan kena û vat: ''Dewleta tirke rojanê peyênan de wazena pê nê hêrişan têmîyanî bivisna mîyanê şarî û aramîye werte ra wedarna. Dezgehê heqanê merdiman wa bêrê nê cayan û nê binpaykerdişan werte ra wedarnê. Dewleta tirke Qirkerdişê Seyfoyî ra nata şinasîyena. Binpaykerdişê aye hema zî dewam kenê Tirkîya senî ke sûryanî, asûrî û armenîyî qir kerdî nika zî pêro şaranê Rojawanî wina qir kena. Ganî rayaumûmîya mîyanneteweyî, dezgehê heqanê merdiman, partîyî verê nê hêrişanê Tirkîya bigêrê.''

Sergoon Sileyonî hêrişê dewleta tirke yê vera Sûrîye şermezar kerdî û vat: ''Artêşa tirke hêrişê sivîlan kena, keyeyan rijnena, cinî û domanan qetil kena. Dewê asûrîyan ê Til Temirî binê gefê îşxalê dewleta tirke de yê. Hêrişê Tirkîya yê vera dewanê Telişan, Dirdara, Şêx Elî û Micebra zêdîyayî. Tirkîya dewleta Ormanîyan ra nata ma qir kena. Tirkîya nika zî wazena ters debikera mîyanê şarî. Tirkîya dosta DAÎŞî ya. Wa rayaumûmîya mîyanneteweyî nê kerdişan bivîna û tedbîran bigêra.''