Hêrişê dewleta tirke ya îşxalkere de ke 2ê kanûna 2019î de qezaya Til Rifatî ya Şehba de ame kerdene 8ê ci domanî 10 sivîlî ameyî qetilkerdene û zafê ci domanî 12 sivîlî zî birîndar bîyî. Vera qirkerdişanê dewleta tirke ya îşxalkere roniştoxê Hesekê vejîyayî meydanan û vist vîrî ke dewleta tirke verê çimanê dinya de sivîlan qetil kena û venga dezgehanê mîyanneteweyan da ke wezîfeyanê xo bîyarê ca.

Beyan Endoyî vat: "Bi qirkerdişê Til Rifatî qirkerdişê Helebçe ame dibarekerdene. No qirkerdiş destpêkerdiş o. Dewleta tirke verê cû zî Serêkanîyê de bi çekanê qedexekerdeyan hêrişê ma kerd, domanî qetil kerdî. Dewleta tirke hêrişê domanan kena. Ma nêwazenê domanê ma bêrê qetilkerdene. Heta çilka peyêne ya gonîya xo ma vera nê qirkerdişan têkoşîn bikê."

Hejmar Mehmudî vat: "Seba ke domanî nêrê kiştene ma vejîyayî meydanan. Gelo çi guneyê nê domanan bîyî? Heqê înan ê ciwîyayîşî çin o?

Fehîma Ehmed vat: "Verê çimanê dinya de dewleta tirke domanan qetil kena. Ez venga rayaumûmîya mîyanneteweyî dana ke wezîfeyê xo bîyara ca."

Hemîd Cemîl Hesenî vat: "Erdogan domananê ma qetil keno. Heta ke ma ra yew bimano ma do vera îşxalkeran têkoşîn bikê. Tank û topê Erdoganî bi îradeyê ma nêeşkenê. Ma îşxalkeran ra nêtersenê. Ma do heta peynî xo ver bidê."