Ronayoxanê PKKyî ra Sakîne Cansiz (Sara) 9ê çeleyê 2013î de Fîdane Dogan (Rojbîne) û Leyla Şaylemez (Ronahîye) reyde paytextê Almanya Paris de ameybî qetilkerdene. 

Kuryeyanê PKKyî yê verênan ra Mehmûd Hecî Ebdullaho ke Rojawan de 1993 de Sakîne Cansiz şinasnaya, ANFyî rê qala Sakîne Cansiz kerde.

Mehmûd Hecî Ebdullahî da zanayene ke o çax Rojava de endamê PKKyî Ahmet Hemze û Zinar Reşîd mesuldarê kuryeyan bîyê û o zî înan reyde xebitîyayêne. Mehmûd Hecî Ebdullahî vat: ''Ma ra ber embaz Ebu Bêro û Selîm zî est bîyî. Embazî Ahmet, Zinar û Mihyedîn 1989 de şehîd bîyî la xebatanê kuryeyan dewma kerdêne. 1993 de ez şîya merkezê Dêrikî ke awe û erzaq bera warê Rayberîye. O çax embaz Mihyedînî vat ke Vakurî ra embazêke ameya û do kombîyayîş bikera.

Kombîyayîş keyeyê embaz Haci Omerî de bi. 2 kuryeyî, 6 cinîyî b temamî 20 kesî est bîyî. Dima embazêka gijiksûre kewte zereyê oda.  Ma o çax embaze Sakîne nêşinasnayêne la ma gijikê aye ra fam kerd ke a Sakîne Cansiz a. Embaze Sakîne kombîyayîş de xeylêk ercnayîşî kerdî, qala îşkenceyanê Zîndanê Amedî kerde. A hîna zaf meseleya cinîyan ser de vinderte. A raşte embaze Sakîne a roje zaf ma ser de tesîrêk viraşt.

Rojêke zî ez, embaz Hisên, Elî û Mihyedîn ma şîyî û ma embaze Sakîne berde Koyê Cûdîyî. Rayîr de ma şîyî dewa Sipîndarokî ke dewa embaz Elîyî bîye. embaz Elî Silopîya ra bi. Pêro raywanîya ma de embaze Sakîne ma de qisey kerdêne û cesaret dayêne ma. 3 saetan ma pay ra ver bi Koyê Cûdîyî şîyî. Dima di embazî ameyî verê ma, embaze Sakîne înan de şîye û ma zî agêrayî. Embaze Sakîne awil ma ra xatir waşt. Reya peyêne mi a o çax dîye.

Sere de embaze Sakîne rê pêro şehîdanê ma rê sozê ma est o. Ma do qetî têkoşînê înan bidê dewamkerdene. Ma amade yê ke seba ke layîqê şehîdan bibê, rêçê Rayber Apoyî û şehîdan de şorê her çîyê xo bidê.''