Şahîdanê Hemleya Xelisnayîşê Minbicî ra muxabîre Dîcle Ehmed bi wesîleya serrgêra hemle ANFyî rê qisey kerd.

Dîcle Ehmed ard ziwan Hemleya Azadkerdişê Minbicî vengdayîşê şarê Minbicî ser o 1ê hezîrana 2016î de dest pêkerde û şerwananê YPG, YPJ û QSDyî pîya Minbic de destanî nuştî. Dîcle Ehmed da zanayene ke Minbic de serdestîya DAÎŞî xurt bibî û DAÎŞî bi taybetî tedaya cinîyan kerdêne.

Dîcle Ehmed vat: ''Rixmê hende zulmî şarê Minbicî verê DAÎŞî de milê xo nêard war û ê zî tewrê şerwanan bi. 75 rojan hemle dewam kerde, 200 dewî ameyî azadkerdene, xeylêk şerwanî mayinanê DAÎŞî ra şehîd bîyî.  Ma zî sey rojnamegeran zehmetîyî antî. Cerganê DAÎŞî sivîlî sey mertalî xebitnayî. Nê hêzê ke domananê Minbicî ra yenê meydan tena şaristanê xo nê tewrê xelisnayîşê Kobanê û Sirînî zî bîyî. Înan xeylêk cayan de vera DAÎŞî şer kerd.

Çalakîyanê fedayîyan û xoverdayîşê şar û şerwanan ra dima Minbic ame azadkerdene. Wexto ke şarî şerwanî dîyî verar şi şerwanan rê. Ey dîmenî zaf tesîrê mi kerd. Meclîsê Sivîlî yê Minbicî hetkarîya şarî kerde û cewab da hewcedarîyanê şarî.''