Merkezê Çapemenîye yê Meclîsê Leşkerî yê Minbîcî bîlançoya hêrişanê menga temmuze  eşkera kerde.

Eşkerayîye de nê agahîyî ameyî dayene:

''Dewleta tirke ya îşxalkere dewê El Bû Xar, Kûrhiyûk, Kawiklî, Qir Wêran, Yanlî, Camûsiye, Dindeniye, Siyade, Um Edesê, Um Cilûd, Ereb Hesen, Mihselî, Ewn Dadat, Tuxara mezin, Tuxara biçûk, Cat, Hisan û Hoşerîyê yê Minbîcî kerdî hedef. Dewleta tirke ya îşxalkere qerargehê Minbîcî kerdî hedef.

Dewanê Qîrata, Tuxar, Ereb Hesen biçûk, Yaşlî, Şêx Nasir, Kerbeclî, Hemra û Girêdîyê de baregehê dewleta tirke estê. Temmuze de pê 560 topan warê sivîlî ameyî hedefkerdene. Netîceya hêrişan de zeraro madî vejîya werte.

Meclîsê Leşkerî yê Minbîcî çarçewa xopawitişê meşrûyî de cewab da hêrişan û 16 cergê Firat Kalkanî ameyî kiştene, 5 cergê Firat Kalkanî birîndar bîyî, 5 xîretê dekewtişî ameyî astengkerdene. 2 wesayîtê doçka, 2 bombaeştoxî û kalaşnîkofî ameyî destvistene.

Dewleta tirke ya îşxalkere warê sivîlî 13 reyî pê çekanê otomotîkan û giranan hedef kerdî. Netîceya hêrişan de domanêk merd, 4 sivîlî birîndar bîyî. 5 keyeyê sivîlî rijîyayî, dewanê Sîyade û Dendenîyê de daristanî vêşayî.''