Hêzanê Asayîşê Zereyî yê Rojawanî derheqê Operasyonê Merdimîye û Asayîşî yo ke 28 adare de da despêkerdene de eşkerayîya çapemenîye daye.

Eşkerayîye  hetê Vervatoxê Pêroyî yê Hêzanê Asayîşê Zereyî Elî El-Hesenî ra ameye wendene.Vervatoxê Hêzanê Sûrîyeya Demokratîke (QSD) Gabrîel Kîno, Vervatoxê Yewînanê Pawitişê Şarî (YPG) Nûrî Mehmûd û Endama Fermandarîya Pêroyî ya Meclîsê Herêma Cizîre Evînare Dêrik tewrê eşkerayîye bîyî

Eşkerayîye de ame vatene ke ê operasyon semedê atmosferê mendeyî yê huzur îstîkrarî yê kampe ame  kedene û semedê paştdayîşê mîyanneteweyî ame vengdayene.

Eşkerayîye de nê ameyî parekerdene: ''Hêzanê ma 28ê adare de pîya bi hêzanê QSD, YPG/YPJyî  Kampa Holî de  'Operasyonê Merdimîye û Asayîşî' da destpêkerdene. Merheleya verêne ya  operasyonî yena temamkerdene. Kampa Holî de hucreyê DAÎŞî bibî aktîf. Semedê huzurê macîran no operasyon ame destpêkerdene ke keda pîle ameye dayene. Semedê nê problemê mîyanneteweyî 5 hezarî ra zafêr embazanê ma wezîfe girewt xo ser ke no îmkananê ma ra wetêr o.

Ma verî zî vatbi  ma semedê her hetî ra pawitişê roniştoxanê kampe no operasyon da destpêkerdene.  Kampe de zafê înan keyeyê DAÎŞijan 57 welatan ra 60 hezaran ra zafêr kesî estê. Na kampa kampanê tewr tehlukeyinan ra yew a. Reyna çeteyê DAÎŞî şî sey sîvîlan yenê kampe de xebatanê xo danê domnayene. Sereyê serre ra nata nê çeteyan kampe de 47 kesî qetil kerdî.

Merheleya verêne ya operasyonî ya 5 rojan ewro ameye qedînayene. Netîceya operasyonî de 15ê înan cinîyî û 20 înan berpirsîyarê cînayetanê kampe 125 çeteyê DAÎŞî ameyî tepiştene.  Reyna xeylêk malezemeyo leşkerî aletê elekronîkî yê mayînan ameyî destfînayene. La heta ke rayapêroyîya mîyannetewweyî berpirsîyarîya xo mîyaro ca,  Kampa Holî de tehluke do dewam bikero.''

.