Taxa Teyî ya Qamişloyî de pêkewtiş qewimîyeno. Şewa 21ê nîsane pê mabênçîtîya polîsan ê leşkerîyan ê Rûsya mabênê Hêzanê Asayîşê Zereyî û cerganê Dîfa El Wetenî de adirbirnayîş amebi kerdene.

Labelê milîsanê Dîfa El Wetenî şewdirê pancşemeyî adirbirnayîş binpay kerd. Ame parekerdene ke kuçeyê Wehda yê taxa Teyî de Hêzanê Asayîşê Zereyî ser o guleyî raşayî.  Hêzanê Asayîşê Zereyî îfade kerd ke înan çarçewa xopawitişê meşrûyî de cewab da hêrişan û herême de pêkewtiş newe ra dest pêkerd.

Pêkewtişî şewa 20ê nîsane de saete 20.00 de dima ke milîsanê Dîfa El Wetenî hêrişê noqtaya Hêzanê Asayîşê Zereyî kerdbi dest pêkerbi.