Merkezê Çapemenîye yê Hêzanê Sûrîyeya Demokratîke (QSD) eşkera kerd ke hêzanê înan herêmê ke binê îşxalî de yê vera nuqtayanê dewleta tikre û çeteyanê ci çalakîyî kerdî.

Goreyê eşkerayîya QSDyî nê çalakîyan de baregeh û merkezê dewleta tirke û çeteyanê ci ameyî hedefgirewtene. Çalakîyê ke 27ê kanûne de ameyî kerdene detayê ci wina yê: ''Dewa Eziziye ya qezaya Til Temirî de vera baregehê dewleta tirke çalakîye ameye kerdene, 8 leşkerê tirkî ameyî kiştene û 4 leşkerî zî birîndar bîyî. Eynî roje Minbic de zî Meclîsê Leşkerî yê Minbicî dewa Çetelî de da baregehêkê dewleta tirke ro, 4 çeteyî ameyî kiştene û 4 çeteyî zî birîndar bîyî. Şervananê Meclîsê Leşkerî yê Minbicî dewa Mehsenlî de zî da baregehêkê dewleta tirke ro, 2 çeteyî ameyî kiştene û 2 çeteyî birîndar bîyî."