Muslim: Şarê ma do cewabê hêrişan bido

Salîh Muslimî ke vera hêrişanê serê Rojawan, Şingal û Mexmûrî nêrazîbîyayîş mojna vat: ''Nê hêrişî seba ke DAÎŞ bin kewt yenê kerdene. Şarê Rojawanî û  kurdî do cewabê nê hêrişan bidê.''

Endamê Konseya Hemserekîye ya PDKyî Salîh Muslimî hêrişê hemwextî yê dewleta tirke yê vera Rojawan, Şingal û Mexmûrî ANFyî rê ercnayî.

Muslîmî bale ante ser ke nê hêrişî badê şiknayîşê hêrişê DAÎŞî yê vera Hesekê ameyî kerdene û vat: ''Dewleta tirke saetanê şewe de Efrînî ra heta Dêrikî, Şingalî ra heta Mexmurî hêriş kerd. Nê hêrişê hemwextî seba ke DAÎŞî ra hêvîya înan şikîyaye ameyî kerdene. No hêrişo verên nîyo, verî zî gama ke DAîŞ şikiya hêrişê wînayênî ameyî kerdene. Hela ke DAÎŞ Kobanê ra ame vatene zî înan hêriş kerd. DAÎŞ çend vînî keno dewleta tirke kewna dewre û hêriş kena. Yewna manaya nê hêrişan çîn a. Şarê Rojawanî do vera nê hêrişan bêveng memano.  Ganî şarê ma vera hêrişan tewirê xo ramojno. Ganî şarê Rojawanî û şarê kurdî cewabo ke hewce keno bido nê hêrişan.''