Nasnameyê kesa 3. ya ke Helîncê de şehîd bîye
Hêrişê dewleta tirke ya îşxalkere yê vera dewa Helîncê ya Kobanê de 3 cinîyî şehîd bîyî. Ame zanayene ke nameyê qurbana 3. ya nê hêrişî Hebûne Mele Xelîl a.
Dewleta tirke ya îşxalkere pê teyarayanê bêmerdiman ê çekdaran (SÎHA) vizêr hêrişê dewa Helîncê ya Kobanê kerdbi û hêriş de 3 cinîyî ameybî qetilkerdene. Nasnameyê qurbana 3. ya nê hêrişî eşkera bi. Goreyê zanayîşan nameyê na kese Hebûne Mele Xelîl a.
Hebûne dewa Pêndirî ya Kobanê ra bîye û tede nêweşîya kanserî estbî.
