Fermandarê TKP/ML-TÎKKO Nûbar Ozanyano ke 14ê tebaxa 2017î de Rojawan de şehîd bibi, serrgêra 5. ya şehadetê xo de Qamişlo de bi merasîmêkê TKP-MLyî ame yadkerdene.

Yadkerdiş bi merasîmê leşkerî yê şerwananê Tugayê Şehîd Nûbar Ozanyanî dest pêkerd. Deqayêkê rêzgirewtişî ra dima Fermandarê Tugayî Antranîk Melkonyanî qisey kerd.

Melkonyanî vat: ''Şehîdê ma seba şaran rayîrê xoresnayîşê erjan, krîteran û azadîye yê. Ma bi qerardarîyêka pîle wayîrê têkoşînê fermandarê xo Nûbar Ozanyanî vejîyenê. Serra 5. ya şehadetê ci de ma bi perwerî ey yad kenê. Ma her cayê Şorişê Rojawanî yo ke Fermandar Ozanyanî pawitêne do bipawê.''

Aktîvîteya yadkerdişî merasîmê leşkerî ra dima salone de dewam kerd.

Tîya de nameyê Meclîsê Komelê Armenîyan ser o Anahîte Kasabîyan qisey kerd û vat: ''Nûbar Ozanyan pê kesayetê xo yê komunîstî, zerrînizmî û fedakarî tim rayîrê ma roşnî keno. Vera hêrişanê dewleta tirke ya îşxalkere ma verî de têkoşînêkî ra ber rayîrêk çin o. Xopawitiş û têkoşînê vera faşîzmî tek rayîrê ma yo.''

Aktîvîteya yadkerdişî de derheqê Ozanyanî de sînevîzyonêk ame mojnayene. Aktîvîte pê sloganan qedîyaye.