Hemserekê Buroyê Têkilîyanê bi Şarî yê PYDyî û Endamê Komîteya Pêkerdişê Komelkîyî Sîhanok Dîboyî  derheqê Pêkerdişê Komelkîyî de ANFyî rê qisey kerd.

Dîboyî îfade kerd ke Îdareyê Xoserî bi Pêkerdişê Komelkîyî seba çareserîya krîz û kaosanê Sûrîye gamêka radîkale eşta û vat: ''Pêkerdişo Komelkî esasê xurtkerdişê heqan û huqûqî ronîya û îradeyê şaran esas gêno. Goreyê nê Pêkerdişê Komelkîyî Meclîsê Demokratîkî yê Şaran çarçewa menfaetanê şaranê Rojawanî de biran eşkeno bigêro. Nê sîstemî de her gama ke erzîyena gama bîne do temam bikera. Nê sîstemî de komunî merkez de yê. Komunî, meclîsê taxan, bajarekî, kantonî û şarî do pîya na demokrasî bîyarê ca.''

Dîboyî pare kerd ke seba averşîyayîşê herême xizmetê ekonomî, weşîye û perwerdeyî sereke yê la hêrişanê dewleta tirke ra Îdareyo Xoser nêeşkeno hetê ekonomîkî ra herême aram bikero. Dîboyî da zanayene ke rixmê nê şertan zî Îdareyê Xoserî heta nika nê waran de karê girîngî zî kerdî. 

Dîboyî dîyar kerd ke Sûrîye de 38 etnîkê cîyayî est ê û ganî Sûrîye teyna sey komara ereban nêra pênasekerdene. Dîboyî vat: ''Seba ameyoxê Sûrîye ma nêeşkenê vajê ke ê misilmanan yan zî ê ereben û ê kurdan o. Pêkerdişê Komelkîyî de pêro şar û bawerîyî sey înanê esasan qebul benê. Pêkerdişo Komelkî eşkeno ameyox de bibo Qanûnê Bingeyî yê Sûrîye. Pêkerdişo Komelkî asta winayêne de yo ke ameyox de eşkeno bibo qanûno bîngeyî yê Sûrîye. Pêkerdişo Komelkî vera nêzdîbîyayîşanê vera îradeyê şaran rê asteng bibo. Pêkerdişo Komelkî mezgê seksîst, dînperest û neteweperestî do bieşko çareserîyanê mendeyan bîyaro ca.''