Partîyanê Yewîya Neteweyî ya Kurdan (PYNK) derheqê Dewaya Kobanê de eşkerayîyêke daye. Eşkerayîye de ame parekerdene ke îqtîdarê AKP-MHPyî dişmenîya kurdan kena û na dewa ser o qesasê binkewtişê DAÎŞî gêna.

PYNKyî vist vîrî ke wextê hêrişanê DAÎŞî yê vera Kobanê de zî Tirkîya paştî dabi DAÎŞî.

PYNKyî vat: ''Na dewa parçeyêkê qefilnayîşê HDPyî yo. Xora bi serran o vera HDPyî polîtîkayê qirkerdişî yenê caardene, endamê HDPyî tepişîyenê, şaredarîyanê HDPyî rê qeyûmî yenê tayînkerdene. Herinda HDPyîyan de ganî Erdogan bêro muhakemekerdene. Muxalefetê Tirkîya ganî hetê HDPyî de bibê. Ganî nê partîyî vera faşîzmê Erdoganî bibê yew.''