Serrgêra 10. ya Îdareyê Xoserîya Demokratîke yê Rojawanî de yo ke 21ê çeleyê 2014î de amebi ronayene,  Kantonê Cizîre de rayraşîyayîşo gird ame kerdene. Qamişlo, Dêrik, Hesekê, Girkê Legê, Çilaxa, Til Koçer, Tirbespiyê, Til Hemîs, Dirbêsiyê, Til Temir, Til Birak û Şedadê ra bi des hezaran kesî tewrê çalakîye bîyî.

Badê Rayraşîyayîşî Meydanê Şehîdanê 12ê Adare de mîtîng ame kerdene. Serekê Meclîsê Keyeyanê Şehîdan Şêro Şero qisey kerd. Şerê Şeroyî vat, ''Projeyê xoserîya demokratîke roja verêne ra raştê hêrişê zereyî û teberî ame. La yewîye û têkoşînê hemparî yê şaran cewabo tewr rind da hêrişan vera îradeyê şaran.  Semedê pawitişê destkewteyanê xo, ma do rayîrê Raybe Abdullah Ocalanî de têkoşînî rê dewa bikerê.''

Endama Komîteya Cinîyan a Meclîsê Qamişloyî Henîfe Mihemed zî qiseykerdişê xo de yo ke  mîyanê slogananê "Jin, jiyan, azadî" kerd, vat, ''Rîyê dişmenanê demokrasîyî ra destkewteyê komel, cinî û şorişî tehluke de yê. Pawitişê destkewteyan wezîfeyê heme cinîyan o. Semedê wayîrvejîyayîşê mîrasê şehîdan ma wezîfeyê xo bîyarê ca.''