Merkezê Îrtîbatî û Çapemenîye yê Hêzanê Sûrîyeya Demokratîke (QSD) bîlançoya 2023yî eşkera kerde.

Eşkerayîya QSDyî de ame vîrvistene ke artêşa tirke ya îşxalkere  û çetayanê ci serra 2023yî de bêmabên hêrişê nûqtayanê xopawtişî û waranê sîvîlan û dezgehanê xizmetî kerd û ame vatene ke doman û cinîyî zî tede bi desan kesî şehîd bîyî.

 QSDyî vistvîrî ke grûbê çekdar û bipereyî yê ke pabesteyê hukmatê Şamî yê Dêrazorî de hêriş kerd û şervanê QSDyî şehîd kerdî û ame vatene ke sey Şehba, Minbic, Eyn Îsa, Til Temir û Zerganî Dêrazor de zî verê çeteyan ame girewtene.

Goreyê eşkerayîye  dewleta tirke zereyê serre de 798 rey hêriş kerd ke nînan ra 578 pê çekanê giranan, 103 pê droneyanê çekderan, 25 pê çekanê suîkastî û tifinganê makîneyinan, 2 zî pê mayin û teqaberan ameyî kerdene.

QSDyî zî 243 çalakîyî kerdî, 52 leşkerê tirkî yê îşxalkerî, 185 çeteyî ameyî kiştene û 295 îşxalkerî zî birîndar bîyî.  Çalakîyan de bi desan wesayît, mewzî û nûqtayê dişmenî ameyî îmhakerdene. Hêrişê dişmenî û qezayan de 173 şervanê QSDyî şehîd bîyî.

Hêrişê îşxalkeran û çeteyanê ci de 11ê înan domanî 39 kesî şehîd bîyî û 5ê înan domanî 83 domanî birîndar bîyî.

Hêrişê vera sîvîlan û binawanîya herême de 51 kesî ameyî kiştene û bi desan kesî birîndar bîyî

Bi teyarayanê şerî yê dewleta tirke ya îşxalkere û droneyanê çekdaran bi temamî 74 tesîsê sîvîlî, îstasyonê petrolî û merkezê binawanî  dîyayî bombayan ver.