Merkezê Çapanî yê QSD'yî derheqê operasyono ke vera çeteyanê DAÎŞ’î danê domanyene de eşkerayîyêk daye û vat ke 24 saetanê peyênan de 87 çeteyî ameyî kiştene û înan derbeyê gîrdî dayî çeteyan ro.

Eşekrayîye de nê ameyî parekerdene:

''Mabênê hêzanê ma û çeteyan de pêkewtişê giranî ameyî ciwîyayene. Terorîstê ke tifinganê giranan şuxulnenî , nizdê nuqtayanê ma de çar hêrişê xokiştişî kerdî, nê hêrişan de embazêkê ma şenik bi birîndar. Pêkewtişan de bi desan çeteyî ameyî kiştene. Hêzê ma averşîyayîşê xo domna û 28 nuqteyê bînî fînayî dest. Hetê bînî ra hêzanê koalîsyonî zî bi teyereyanê şerî da çeteyan ro û xeylî nuqteyê înan îmha kerdî. Reyna heman cephe de hêzanê ma 20 nuqteyanê bînan de xo ca kerd û pêkewtişê xidarî ameyî ciwîyayene. Hîrê çeteyan ê cinîyan  nizdê şerwananê ma de xo teqna. Nêticeyê nê hêrişan de yew embazê ma şehîd bi û 3 embazê  ma zî bîyî birîndar. Domenêk zî nê hêrişî ra derbe girewt û yeno dermankerdene. Hetê hîrêyinî yê heman cepheyî de reyna şer giran o.Embazanê ma 13 nuqteyî fînayî dest û şervanêkê ma şehîd bi. Pêkewtişî bimabên dewam kenî.‘‘

Bîlanço:

87 çeteyî ameyî kiştene.

3’ê înan cinî 7 terorîstan hêrişê xokiştişî kerd.

Cephaneyê tifingan ê çeteyan ame çînkerdene.

Pêkewtişan de 2 şerwanî şehîd bîyî, 5 şerwanî zî bîyî birîndar.