Merkezê Çapemenîya Hêzanê Sûrîyeya Demokratîke (QSD) derheqê çalakîyanê xo de eşkerayîye daye û nê vatî:

''Hêrişê îşxalî yê dewleta tirke yê vera Rojawanî her roje zêdîyenê. Nê hêrişan de tewr zaf sîvîlî yenê hedefgirewtene. Tewr peynî de 16ê tebaxe Kobanê de domanêk şehîd bi û 4 hemwelatîyî birîndar bîyî. Eynî roje hêrişê vera Amûdê de 5 şervanî şehîd bîyî û hemwelatîyanê ke waşt birîndaran bixelisnê înan ra xelêk kesî birîndar bîyî.

Hêzê ma seba ke cewabê nê hêrişan bidê vera artêşa tirke  çalakîyî kerdî. Sînorê Riha, Dîlok û Mêrdînî de vera artêşa tirke çalakîyê bitesîrî ameyî kerdene.

Çalakîya verêne nuqteyêka nizdîye ya verê Qereqolê Çîçekalanî yê qezaya Bêrecûkî ya Riha de ameye kerdene. Netîceya çalakîye de leşkerêko payeberz û edamêkê îstîxbaratî zî tede  6 îşxalkerî ameyî cezakerdene û xeylêk leşkerî birîndar bîyî. Cepilxaneyê baregehî de teqayîş qewimîya.

Çalakîya dîyêne de Qereqolê Koprubati yê qezaya Karkamişî yê Dîlokî  ame hedefgirewtene. Derheqê merde û birîndaranê dişmenî de zanayîş nêame destfînayene.

Çalakîya hîrêne zî sînorê Mêrdînî ameye kerdene. Çalakîye de wesayîto zirxin ê tîpê Kirpî ame hedefgirewtene. Îşxalkerêk ame cezakerdene û 3 îşxalkerî birîndar bîyî.

Nê çalakîyan de pêro pîya 7 leşkerê tirkî ameyî kiştene û tewr tay 3 leşkerî birîndar bîyî. Vera hêrişanê artêşa tirke çalakîyê ma do dewam bikerê.''