Fermandarîya Pêroyî ya QSDyî derheqê qerarê Amerîka yê Vakur û Rojakewtena Sûrîye ra ancîyayîşî de eşkerayîyêk daye.

Eşkerayîya QSDyî de nê ameyî vatene:

''No demo ke ma semedê peynîardişê DAÎŞî şer kenî,  qerarê Amerîka yê Vakur û Rojakewtena Sûrîye ra ancîyayîşî do paştî bido terorî û yê ke herême de çalakîyanê terorî virazenî  seba nînan bibo hêzê eskerî û sîyasîyî.

Ma tîya ra eşkera rayapêroyî rê danê zanayene ke şerê qedînayîşê terorî hema nêqedîyayo. Ma demêkê zehmetî ra ravêrenî. Koalîsyon ganî hîna zaf paştî bido şerwanan ke ê peynîya DAÎŞî bîyarî. Koalîsyon ganî her hetî ra şerwanan rê hetkarîye bikero û tepîya amegêro. Rîyê qerarê herême ra ancîyayîşî ra do  huzur û asayîşê herême bêro têmîyankerdene û şaran rê hêrîşan bêrî kerdene.‘‘