Berpirsê Merkezê Îrtîbatî û Çapemenîye yê QSDyî Ferhad Şamîyî derheqê têgêrayîşê provakatîfî yê cerganê dewleta tirke ya îşxalkere de eşkerayîye daye.

Eşkerayîye wina ya:

''Saetanê destpêkan ê 8ê teşrîna peyêne ya 2021î de têgêrayîşê provakatîfî yê cerganê dewleta tirke cepheyanê şerî yê herêmanê Serêkanîyê, Girê Sipî û bajarekê Eyn Îsa û Minbicî de estbîyî. Na çarçewe de bi seyan cerg û leşkerê îşxalê tirkî û panzerê înan noqtayanê şerî yê herêman de ca bîyî û xîret kerd ke hêzanê ma şantaj bikerê. Hêzanê ma da xo apey girewt, goreyê peymananê kêmkerdişê şerî têgêrayî.

Hetê bînî ra hêzanê ma prosesê xelisnayîşê xeylêk herêman de şerê DAÎŞî bi hezaran şehîd û birîndarî dayî. Pawitişê înan semedê hêzanê ma erko verên o. Hêzê ma semedê berdewamîya pawitişê nê herêman teredud nêkenê. Nê esasî se ro ma tewirê roniştoxanê xo yê Tebqa, Reqa, Minbic, Dêrazor û pêro Rojawanî ercîyayeyî vînenê. Ma venga şarî danê ke goş medo zûran û xapînayîşî, pê çimeyanê ma yê fermîyan bawer bikê.''