Merkezê Çapemenîye yê QSDyî bi eşkerayîya nuştekîye da zanayene ke hêrişê dewleta tirke yê vera Rojawanî de şervanê înan şehîd nêbîyî û îdîayê dewleta tirke zûr vetî.

QSDyî vat; ''Dewleta tirke ya îşxalkerê  îdîa kerd ke roja hîrêne ya hêrişê  terorî yê vera herêma ma de tay şervanê ma şehîd bîyî. Nê îdîayî reşt nîyê. Hêrişî dewam kenê, heta nika qet şervanêkê ma ne şehîd bi ne zî birîndar. Hêrişî bitaybetî vera bin-serawîyan, dezgehanê  xizmetî  û waranê roniştişî yenê kerdene. Dewleta tirke 3 rojan de hêrişê 50 herêman kerd û sûcê şerî rê dewam kena. Dîmenê  hêrişanê vera herême xora sûcê şerî Tirkîya fîneno çiman ver.  Nê pêro eynî wextî binkewtişê dewleta tirke ramojnenê.''