Semedê pawitişê Rojawanî operasyonê hêzanê QSDyî dewam kenê. QSDyî da pêhesnayene ke înan Dêra Zorê de 18 çeteyê DAÎŞî tepiştê.

Eşkerayîya QSDyî de ame vatene ke herêma Ebû Xeşebî ya Dêra Zorî de 18 çeteyê DAÎŞî ameyî tepiştene. Dîya zanayene ke çeteyê ameyî tepiştene mîyanê înan de kesê ke tekîlîya înan bi dewleta tirke esta zî estê. Pîya bi çeteyan xeylêk cebilxane û belgeyî zî ameyî destfînayene.

Hetê bînî ra QSDyî hesabê xo yê Twitterî ra da zanayene ke înan pîya bi Koalîsyonê Mîyanneteweyî operasyon kerd û mayîn û  muhîmatê ke çeteyanê DAÎŞî ra mendî îmha kerdî. QSDyî vat DAÎŞî  êlula 2014î de gama ke hêrişê Kobanê kerd, muhîmatê ke tede madeyê kîmyewîyî estê şuxulnayî.