Merkezê Çapemenîye yê QSDyî bîlançoya 24 saetanê peyênan eşkera kerde. Goreyê beyanatî 47 çeteyê DAÎŞî ameyî kiştene, 37 qerargehî ameyî çinkerdiş û 300 sivîlî ameyî xelisnayene

Beyanat de wina ame vatene:

“Hêzê ma bi operasyonê pêtî, şîyê terorîstan ser û pêkewtiş bi saetan dewam kerdo, xeylî terorîstî ameyê kiştene û xeylî yê xo zî  birîndar bîyî.

Teyareyanê Koalîyonê mîyanneteweyan, qerargehê terorîstan hedef girewtê, xeylê cayî ameyê çinkerdene û hêzê ma aver şîyê û cayê neweyî girewtê xo dest.

Komaya pisporan a ma, herême de dest bi pakkerdişê mayinan kerdo.

Reyna  sivîlê ke hetê DAIŞî ra sey qelxanê ganîyî ameyê girewtenê zî hetê hêzanê ma ra ameyê xelisnayene û resnayê herêma ewlehîye.

Bîlanço:

- 47 terorîstî ameyê kiştenê

- Hetê Koalîsyonê Mîyanneteweyî ra 26 hêrişê hewayî ameyî kerdene

- 37 qerargehê terorîstan, 2 wesayîtê bombeyinî û yew xendeq ameyê çinkerdene. 6 rayîrê ke hetê terorîstan ra ameyêne şuxulnayene ameyê girewtenê, 3 îmalatxaneyê ke tede wesayîtê bombeyînî ameyêne amadekerdene û 3 nuqteyê kaîdeyê topanê havanî ameyî çinkerdene