QSDyî derheqê hêrişanê vera Eyn Îsayî de beyanatêk da

QSDyî pare kerd ke Dewleta Tirke û cerganê aye verê çimanê garantorê adirbirnayîşî Rûsya de hêriş kerd  vat vera hêrişan no tewiro bêveng û bêhîsgerîye yê Rûsya şikê aye ser o keno zêde.

Merkezê Çapemenîya QSDyî derheqê hêrişanê  Dewleta Tirke  yê vera Eyn Îsayî de beyanatêk da.

Beyanatê QSDyî wina yo: "Dewleta Tirke û cergê aye hîrê baskan ra bi çekanê giranan û teyarayanê şerî hêrişê Eyn Îsayî dewam kenê. Hêzê ma vera hêrişan xo ver danê û pêkewtişê giranî yenê meydan. Nê hêrişî verê çimanê hêzanê Rûsya de yenê kerdene û her çiqas Rûsya garantorêkê adirbirnayîşî zî biba vera hêrişan mudaxeleyêk nêkena. No tewiro bêhîsgerî û bêveng ê Rûsya yeno na mana ke Rûsya rolê xo yê garantorîye nêana ca û bi nê hawayî Rûsya ser o şikî benê zêde ke seba çareserîya mesela Sûrîye wezîfeyê garantorîye girewtibi xo ser"