Rojawanê Kurdîstanî de şaristananê Kobanê, Minbic, Tebqa û Şehba de seba selamkerdişê Hemleya 15ê Tebaxe Roşanê Gandarbîyayîşî aktîvîte û şayîyî ameyî kerdene.

Şayîyan de hunermendê herême vejîyayî sehne ser, girseyan bi sloganan govende girewte. Şayîyan ra ber herême de serkêşîya Têgêrayîşê Ciwananê Şorişgêran de seba fîrazkerdişê 15ê Tebaxe mîtîng û rayraşîyayîşî zî ameyî kerdene.  

Qiseykerdişan de hêrişê îşxalî yê vera Rojawan û Herêmanê Pawitişî yê Medya ameyî şermezarkerdene û mesajê xoverdayîşî ameyî dayene. Qiseykerdişan de ame vatene ke xoverdayîşê gerîlayan eserê Hemleya 15ê Tebaxe yo û ganî ciwanî wayîrê nê xoverdayîşî vejîyê.