Meclîsê Şaranê Demokratîkan ê Rojawanî semedê caardişê Pêkerdişê Komelkîyî yo ke çend rojî verî ame qebulkerdene, tay qerarê muhîmî girewtî.

Çarçeweya qeraranê ke kombîyayîşê meclîsî de ameyî girewtene mîyanê 10 rojan de 20 kesan ra do komîsyonê vîjnayîşî bêro ronayene. Komîteyêka eynî parelelî de do bêro ronayene zî Meclîsê Şarê Demokratîkî rey de do qanûnê vîjnayîşî ser o xebatan bikero.

Meclîsê ke qerar girewt Meclîsê Şarî do falîyetanê dahîna bitesîran bikero, da pêhesnayene ke do 15 rojan de Komîteya Mehkeme ya Pêkerdişê Komelkîyî bêro ronayene.

Meclîsî da zanayene ke ê do verê vîjnayîşanê şaredarî qanûnê şarî vejî û qerar girewt ke mîyanê 15 rojan de do dezgehê malîye yê pêroyî bêro ronayene.

Meclîsê ke  wezîfeyê ronayîşê Meclîsanê Rayberdişî û Heyetanê Meclîsî zî girewt xo ser vat komîteya ke semedê ronayîşanê nînan berpisîyar a do tuzuk û mekanîzmaya xebata înan hazir bikera.