Dewleta tirke ya îşxalkere Rojawan de bombardumananê vera waranê sivîlan rê dewam kena. 48 saetanê peyênan de tewr tay 58 herêmî bîyî hedefê hêrişan.

Serê sibayî Qamişlo de taxa Sîna de keyeyêk dîya bombayan ver. Derheqê hêrişî de agahîyêka bîne nêameye girewtene. Ancî Qamişlo de reya hîrêyîne îstasyonê ceyranî dîya bombayan ver û îstasyon de xesarêko pîl qewimîya. Qezaya Rimêlanî ya Qamişlo de bîrê petrolî, depo û îstasyonê ceyranî bîyî hedef.

Qezaya Zirganî ya Hesekê de saete 11.00 de dewê Til El Werdî û El Rebîatî, dewê Mihermele, Dada Ebdal, Bobî, Til Hirmil û Esedîyê dîyayî bombayan ver. Hêrişan de bax û baxçeyan zerar dî. Qezaya Dirbêsîyê ya Hesekê de salonêka veyveyî û îstasyonê ceyranî dîyayî. bombayan ver

Dewa Um Kêfî ya Til Temirî de saete 09.00 de depoyê xida dîyayî bombayan ver.

Dewleta tirke ya îşxalkere 12ê çeleyî ra nata bêmabên Rojawanî dana bombayan ver. Dewleta tirke ya îşxalkere hêrişanê xo de waranê sivîlan, binawanîye, dezgehanê xizmetî û îstasyonanê awe, ceyran û petrolî kena hedef.

Goreyê xebera ANHa 48 saetanê peyênan de 56 hêrişî ameyî kerdene û nê hêrişan de 2yê ci domanî û yewê ci rojnameger 6 hemwelatîyî birîndar bîyî û 5 leşkerê Şamî merdî.

Ofîsê Enerjî yê Kantonê Firatî pare kerd ke netîceya hêriişan de ceyranê 600 dewanê Eyn Îsa û Kobanê birîyayo.