Kobanê

Bi hezaran roniştoxanê Kobanê seba Şingalî çalakîyêka rayraşîyayîşî kerde. Rayraşîyayîş Meydanê Şehîd Egîdî de vurîya nawnayîşêk.

Nameyê Meclîsê Kantonê Kobanê ser o Barîn Kobanê qisey kerd û hemkarîya PDK-Iraqî şermezar kerde. Barînî vat: ''Şingal de berê qirkerdişêkê neweyî yeno akerdene.''

Nameyê Îdareyê Xoserî yê herêma Firatî ser o Hemserekê Meclîsê Rayberdişî Mihemed Şahînî eşkerayîye wende û vat: ''Seba pawitişê destkewteyanê Şingalî ma venga her kesî danê ke paştî bidê êzidîyan ke xo îdare bikerê. Ma nê komployê peymane şermezar kenê.''

Til Birak

Şarê Yil Birakî zî çalakîya rayraşîyayîşî paştî daye şarê Şingalî û peymana Bexdad-Hewlêrî şermezar kerde. Rayraşîyayîş dima vurîya nawnayîş.

Endamê Meclîsê Til Birakî Abdulselam El-Hesenî nawnayîş de qisey kerd û îfade kerd ke hêrişanê DAÎŞî de hukmatanê Iraq û Hewlêrî wezîfeyê xo nêkerdî û na peymane bi bira Tirkîya ameye amadekerdene. Hesenî venga rayaumûmîya kurdan û Koalîsyonê Mîyanneteweyî da ke verê na peymane bigêrê.