Înîsîyatîfê Rayber Abdullah Ocalanî rê Azadîye ke semedê azadîya Rayberê Şarê Kurdî Abdullah Ocalanî ame ronayene, 11 dezgeh û sazgehanê mîyannetewewî yê heqanê merdimanê rê mektûb nuşt û veng da ke wazfeyê xo bîyarê ca.

Mektûb de bale ameye antene tecrîdê giranî yê serê Rayberê Şarê Kurdî Abdullah Ocalanî ser û ame vengdayene ke wa vera na rewşe wezîfeyê xo bîyarî ca.

Avûkatanê Abdullah Ocalanî û  dezgehanê weşîye yê Rojawanî zî paştî daye vengdayîşî.

Mektûb nê mektûb ame şawitene: DMME, Doktorê ke Sînor Nasnêkenê,  Konseya Ewropa, Komîteya Îşkneceyî ya Neteweyanê Yewbîyayeyan, CPT,Konseya Heqanê Merdiman, Heyva Sor a Navneteweyî, WHO,  Yewîya Ereban û  Rêxistina Efû ya Navneteweyî.