Rojêk çin a ke Efrîn de sivîlî nênê remnayene

Qezaya Mabata ya Efrînî de ke hetê artêşa Tirkî û çeteyanê ci ra ame îşxalkerdene, sivîlêko bîn vizêr ame remnayene. Blançoyê nê 19 rojanê peyênan mojneno ke rojêk de 5 kesî yenê remnayene.

Goreyê xeberanê çimeyanê herêmîye ra ameyî girewtene, Kawa Mihemedo ke dewa Mamele ya qezaya Mabata ra yo roja 19'ê Êlule de hetê îşxalkeran ra ame remnayene.

Yeno texmînkerdene ke Mihemed cayê kontrolî yê dewa Amare de ser rayîrê Raco-Mabata de hetê koma çeteyê Ehrar El Şerqiya ra ame remnayene. Nêno zanayene ke Mihemed berd ça û keyeyê ey ra zî 200 hezar lîreyê Sûrîye fîdye yena waştene. Goreyê xebera ANHA dewleta Tirkî û çeteyê ci mîyanê di mengan de nêzdîya 140 sivîlî Efrîn de remnayî. Goreyê bîlançoya ANF'yî mîyanê 16-19'ê Êlule de tewr tay 24 sivîlî ameyî remnayene. Hûmara sivîlan destpêkî ra heta aşma Êlule bî zêdê û resaye 101 kesî. No zî ramojneno  ke rojêk de tewr tay 5 kesî yenê remnayene.