12ê teşrîna verên a 2019î de Sekretera Pêroyî ya Partîya Ameyoxî ya Sûrîye  Hevrîne Xelef hetê çeteyanê dewleta tirke ra bi işkenceyî ameye qetilkerdene. Eynî hêrişî de 8 kesê bînî zî ameyî qetilkerdene.

Qirkerdişo ke  serrêke xo dima verda na yewe serre de ame belgekerdene  çeteyanê Ahrar Şarkîye yê ke pabesteyê dewleta tirke yê kerd.  Rixmê heme muracatê keyeyê Xelefe û dezgehanê heqanê merdiman û huqûqî yê Rojawanî bi bahaneyê 'muracatê mehkemeyanê Tirkîya nêbîyo' dezgehê huqûqî yê mîyanneteweyî nê muracatanê dewa qebul nêkenê.

Maya Hevrîne Xelef Suate Mumammed ard ziwan ke avûkatê Xelefe yê ke Ewropa de yê do dewa abikerê û vat: Ez çeteyan ra nê Erdogan û Amerîka ra dewakar a. Suat Muhammed şîye Ewropa 7 aşmî semedê muhakemekerdişê qetilkaranê kênaya xo xîret kerd la netîceyêke nêgirewte.

Muhammede vat: ''Ez şîya Ewropa ke qetilkaranê kênaya xo rê dewa abikerî la mi dî ke uja ne merdimîye ne zî heqê merdemanû huqûqî esto. Birayê ci zî muracat kerd reyna ma netîceyêke nêgirewe. Vanê şima ganî Tirkîya de dewa abikerê ya zî qetilkarî bêrê tîya ma eşkenê muhakeme bikerê. Mi avûkatan rê va ez çeteyan rê nê Recep Tayyîp Erdoganî rê dewakar a. Çeteyan xo roto pereyî. Ez Erdogan û paştgêranê ci ra dewakar a. Amerîka zî şehadetê kênaya mi ra berpîrsîyar a. Amerîka vatbi ma ancîyenê la hela ke kênaya mi ameye qetilkerdene hema ûca de bî. Leşkerê Amerîka cayê hêrişî rê nizdî bî. Seba ke qetilkarî bêrê muhakemekerdene têkoşînê ma do dewam bikero.''

Îdarekara Merkezê Pawitişî yê Cigêrayîşê Heqanê Cinîyan ê Sûrîye Mizgîne Hesen ard ziwan ke ê sey dezgehêkê cinîyan roja qetilkerdişê Xelefe ra cigêrayîşê qeqimîyayîşî kenê û vat: ''Rîye îşxalî ra arêdayîşê delîlan zehmet o. Hesenî bale ante ser ke xebera qetilkarê Xelefe hetê Konseya Hêzanê Muxalîf û Mîyanneteweyî ya Sûrîye ra ame tepiştene, raşt nîya û vat: Seba propogan da wina vanê. Xora qetilkarê Xelefe zî kesêk têna nîyo. Cenaza ra zî bewlî bi ke sey grûbe hêriş ameyo kerdene. Têna Xelefe nê tîya bi hezaran kesê ke raştê sûçê şerî yê Tirkîya û çeteyanê ci yenê nêeşkenê warê mîyanneteweyî de bigerê heqê xo. Ma nika amadekarîye kenê ke gerreyê Mehkemeya Ceza ya Mîyanneteweyî bikerê. Xora estbîyayîşê Tirkîya yê Sûrîye goreyê huqûqê mîyanneteweyî îşxal o û nê sûcê şerî heme binê kontrolê înan de bîyî. Coka berpirsîyar Tirkîya ya û ganî bêro muhakemekerdene.''