Seba multecîyanê Şehba kampanyaya hetkarî
Merkezê enformasyonî yê Jin Rabin Ser Piya seba Efrînijanê ke badê hetê dewleta Tirkî ra îşxalbîyayîşê Efrînî mecbûr mendê ke kampan de biciwîyê kampanyayêka hetkarî daye destpêkerdene.
Merkezê enformasyonî yê Jin Rabin Ser Piya ke binê Kongra-Starî de xebatanê xo rayra beno seba îhtîyacîyanê multecîyan ê Şehba kampanyayêk daye destpêkerdene. Eşkerayîye de ame vatene ke bi ameyîşê zimistanî şertê cuya kampe hîna bîyê giran.
Eşkerayîye de vajîya: “Hêrişanê dewleta Tirkî de keyeyê Efrînijan rijîyayî, nêweşxaneyê Efrînî yo tewr pîl ame bombardumankerdene, binawanîya ekonomîke amî rijnayene. Kesê ke mecbûr mendî bajarî ca verdê bi mengan o kampan de manenê.”
SAZÎYÊ HETKARÎ YÊ MÎYANNETEWEYÎ BÊVENG MANENÊ
Eşkerayî de ca dîya nînan: “Multecîyî xeymeyan de ciwîyenê, elektrîk çinyo, problemê mazot û awe esto. Komelo mîyanneteweyî hemverê na trajedîya merdimîye de bêveng maneno. Mîyanê na menge de grûbêk ke çalakwananê Jin Rabin Ser Piya ra ameyêne pê kampê Şehba zîyaret kerdî. Nê zîyaretî de tayê îhtîyacîyê acîlî ameyî tesbîtkerdene.
Ê do hetkarîya şima biresnê ê kesanê ke her çîyê xo vîndî kerdê. Şima bi xelatêka qije eşkenê multecîyanê Efrînî keyfweş bikerê. Waştox û çalakwanî @starcongress û @riseupforafrin nika kîşta multecîyanê Efrînijan de yê. Bi hetkarîyanê şima ê do bieşkê îhtîyacîyanê cuye yê multecîyan biresnê înan.”
Seba paştîdayîşê multecîyanê Efrînî şima heme hayîdarîyan eşkenê tîya bivînê:
